حسين القاصد
الهويه مضكورة بكل الكتب، والوادم وين ما يرحون يشيلون هوياتهم، والهويه مهمه كلش، يكولون حتى الكتل صاير على الهويه ، يعني الواحد ما يكدر يموت اذا ماعنده هويه، والموت حق والعراقيين كلشي ولا يضيع حكهم ، مو انوب حتى الموت ما يحصلونه! لذلك العراقي وين ما يروح شايل هويته لان خاف يجي الموت ومايعرفه ويسقط حقه! والهويه مشتقه من (هو) يعني مو من الـ (انا)، يعني الهويه مو مالتنه! يجوز مال واحد مستطرق اسمه (هو) ماعلينا بالوادم، جا هسه الشعر مو عنده هويه بس (مال) امه بس لا تفتهمونا صح. المهم الشعر عنده هويه بس مال امه وهو احق بيهه واذا الشعر يفوت يردون يكتلونه راح يكتلون ما يكتلونه هو حسب عائدية الهويه واذا كتلوا امه يجوز محد ياخذ بثارها لان الشعر ماعنده هويه حتى ابوه ماعنده هويه لان الشعر حسب اول دراسة نقدية (يعني مو بالدين).
جماعة ملتقى بغداد الشعري يكولون الشعر هوية امه ، بس امه هويتمن محد يدري! بوية خوماكو شي؟ استاذنا ترى المحور النقدي اسمه الشعر والهوية مو الشعر وامه اذا الشعر هوية امه بعد شعلينا بالنقد الثقافي، نعزل وكلمن يروح لبيت امه .
