احمد المياحي
دمعي خلص وانه اتاني اتمر علي نسمة ضحك
مر تعال وشوف فوك خدودي بس هوسة بجي
مرني ضحك مستحاتي وبغيابك تارس الدنيا حجي
محلفك بعافية روحي المابقت طشيتهه بدربك ضوه
ارد اجيك انطيني روحي المابقت بيه هوه
ارد اجيك وخايف من الليل ليطش الفجر
واشتهيتك مثل واحد يصفن بصحوة سكر
واشتهيت اتمشه بدروب العشك خطوات ليل
كبل حيل الدنيا عندي وهسه دمعي يطيح حيل
مر تعال النجف يسأل بلكبر ناقص شخص
وحتى منكر من اجاني كلي اشوفك منخبص
ارد امر بيك واشوفك مدري اعوفك والله حيره
ردت اضحك واستحيت الضحكه من تطلع صغيره
رايد اذكر اول حجايه حجيناهه بدرب
جان بيه الليل نايم والفجر يخجل يطب
وجان بيه العشك نايم فوك خدين الشفايف
وجان خايف كلشي بيه وانه اصلن جنت خايف
راح اظل امتاني جيتك وانتظر مر بيه طيف
