عبد الحسين الحلفي
إبتليت إبحب حبيبي
بلوة هاية
ولوة هاية وأعينة
بلوة هاية
إنعمت هاي إعلة مودة
بل وهاية
ويكلي شبيك ماتبجي علية
_________________
إشفنة من وكتنة
شفتهمنة
وهمنة إكبال عينك
شفتة همنة
ذبحنة وفوك ذبحة
شوف تهمنة
يكلهم بالذبح تعبولي أدية
_________________
أحباب ألروح كلبو فرد كلبة
ووكتنة إبلون نص الليل كلبة
دفعني وإنكلبت شلون كلبة
وسحكني ومن عثر ظل يسب بية
_________________
يدنية وياي بعد وبعد
جدي
وعلي صيحي بعالي ألصوت
جدي
هجمتي بيت أبوي وبيت
جدي
وأنة إبلا بيت شتهدمين بية________________
كبل من أصل طيب فرعينة
هسة ألعكل طاحت فرعينة
ألوكت يخزر علية فر عينة
درت عيني وبقت عينة علية
_________________
ألعتب عالكتب هل دستور
عل سن
بوطنة زعلت ألضحكات
عل سن
إعلاسة وألشعب معلوس
علسن
وقفلتة وإنعلس قفل ألبوذية
_________________
ألضم خيط حبك وندف آني
وأون بشتة فراكك وندف آني
عدل وأصرخ وصيحن وندفاني
بلكت تصدف وتخطف علية
_________________
موش إحنة بحلاتك منتمرنة
دمرنة وضوك وشبع منتمرنة
نطشلك واهلية من تمرنة
ونحط جادر إذا مابيك جية
_________________
علية مخلبصات هواي ماحيل
ولا حيل ألبقة بفركاك ماحيل
تولتني ألشماتة حيل ماحيل
وأنة وياهم أصيحن حيل بية
_________________
باد ألحيل وأتعس بيده هايه
وطلع ماكر حبيبي وبي دهايه
سالمني وشبكني بيده هايه
وبيده ألثانية يأشر عليه
_________________
إشفافك عسل و حصتي
مره منهن
وإكطعلي جلاي سهمك
مره منهن
إشكم مره لحكتك
ومره منهن
مو أنت إطلعت وشصار بيه
_________________
إبحبك مره أأيس مره مني
سهامك عيد عدي مره مني
مره ألزعل منك مره مني
ومره إثنينه نزعل سويه_________________
أحب نيران من حبك دفني
وأموت وأحيا لوجفك دفني
تريد آني آخذك منك دفني
إبدمي تدور شيلزمك بديه
_________________
عليك ألقيت حجه وألقيامه
وياما براسك أقره وألقيامه
تدري ألحشر شنهي وألقيامه
ألقيامه وألحشر زعلك عليه
_________________
ألوجود إشفرقه كلي منعدمنه
وشمل منع ألتجول منع دمنه
تدري ليش إحنه منعدمنه
لإن موته إنولدنه إعله ألوطيه
_________________
قضية أسمك على أسمك
ماشخطنه
إزدحام إحنة إعله دربك
ماشي خطنه
إشتظن من كد حلاتك
ماشخطنه
أليشوفك ينشخط ميه بالميه
_________________
عسل وبحلكي وكتي مرجعلكم
ومرجعكم لكلبي
ومرجعه إلكم
صرت آيه بهواكم
ومرجعلكم
خذيتو منين فتوه وخنتو بيه
_________________
أراوي إجروح كلبي
بيك أراوي
ألعشك كروه تعبانه
وبي كراوي
أجذب من أكلهم
بيك راوي
أنة ألعطشان وإنت من آل أميه
_________________
مدلل ماتهيد أنت وناهد
وتكضني حيل متهدني وناهد
علي إتهد وكومنلك وناهد
وأصير وياك حتى إنهد عليه
_________________
مو خالي ألم روحي
بي شي ألمها
أبألمها إنشل إبوهه
وبي شل إمها
أصابيعي إنبترت
بيش ألمها
وبيش أكتب قفل هاي ألبوذيه
_________________
إبعدت زميت عنك
شلزماني
كصرن حيل شلهن
شل زماني
بعد مالوح ألزمك
بشلزم آني
إذا حتى علي متلوح أديه
_________________
بونيني صدعيت ألجبل وشجيت
يمن طريت كلبي عليك وشجيت
إلك حن ودفعني وجيت شجيت
إجيتك لا كلب لا روح بيه
_________________
أنه ألزايعني وكتي
ونته زاعلك
منو من كلبي جرك
ونتزعلك
علي كل زعل هين
وإنته زعلك
يزعلني بحيث أزعل عليه
_________________
شتة فراك ألأحبهم
يمداني
وغدرهم كمت أحسه
يمي داني
حتى من أغم كصتي
يمداني
أحس إبكصتي تتبعد عليه
_________________
صراير عشك روحي
وك صرتلك
ونفس وكت ألمنازع
وك صرتلك
طويل وأعله منك
وإكصرتلك
حتى تلوح من تبوس أديه
_________________
لا فاتحلي باب ألحب ولاصاك
إنلاصت دهري لايصهه ولاصاك
حلو ماشفت أنة مثلك ولاصاك
ولا واحد شفت مثلي خطيه
