فايق الكاطع حسن
زين مني……..وعندي واهس للتمني
واحلم بدنيا جديدة…..بعد كل الضاع مني
عفيه انه اوعفيه كلبي… جروحه تنزف وانخه ربي
كون بحروف القصيده …….انهض واكتب وابني
ابني مستقبل سعاده…..للهويته لليحبني
وابني حيطان وسواتر….بيني مابين اليضدني
حتى لادمعه الشفتها…..من اموت اتصير بابني
حتى نفسي اظَّل ابيه… حتى روحي اظَّل سخيه
حتى يبقى حسين بيه.. مايطخ راس لاميه
حتى وكتي اوناسي تعرف… شعري واحروفه قضيه وبيه بيه انهض ابوجه الطعني….
واكتب كتاب او وصيه .. بيها معلومه وحقيقه…. .
العراق اشرف هويه
بالعراق افخرواكابر للعرفته وللعرفني
للجروح البيها صابر عفيه صبر المايملني
فتحت عيني ولكيته خرزه بكماطي ويهزني
لوله بدموعه الحنونه دللول الولد يبني
ومن كبرت وللمآسي شفته بالشده حضني
حتى خواني رموني وحتى خلاني نسوني
بيهم الخالف ضميره وبيهم اليطرب الوني
بيهم السماني شيعي وبيهم السماني سني
وانا اصرخ وك عراقي والعراق اللي يهمني
تبقى نخلاتي وسعفها ويبقى واهس للتمني
وابقى بالدنيا عراقي انه ياانه اشكبرني
