هيثم السلمان
ياللي نويت الصد عني وتجافيت
تركتني في حرقة الهم واقفيت
وانا الذي ما يوم عنك تخليت
سكرت بيبانك بوجهي وتماديت
ياما عذرتك ولغرامك تمنيت
شبعت عذالي بلحمي وقصيت
كلب المزابل عن غرامه تساميت
سقيت وردك من غرامي ورويت
سطرت في حبك قصايد وغنيت
نثرت اشعاري بوصفك وجاريت
أشرقت شمسي في ظلامك وضويت
أحييت فرحك في حياتك وهليت
وفيت في حبك وصنتك وكفيت
حضنت جرحك وداويتك وداريت
إسمي نسيته يوم باسمك تسميت
إنسى غرامي واحسب اني توفيت
إن غاب جسمي وعن عيونك تلاشيت
بابعد ترى عنك وأناجي طيوفك
وطعنتني وغارت في قلبي سيوفك
حبي أمانك يوم خانت ظروفك
وانكرت حب كان سمعك وشوفك
أحييتك بوصلي وذبحني عزوفك
الزاد قلبي والتوافه ضيوفك
واليوم ترجيه وعيوني تشوفك
فضلت من يبغي يشم ويعوفك
وغيري تمتع في مرابع حروفك
فطمت شعري من مراضع وصوفك
ضيعت عمري بين ظلمة كسوفك
شايل همومك يوم تعبت كتوفك
واسقيتني سم الفراق بكفوفك
وانكرت حضني يوم جفت نزوفك
في نبض احساسي أحس وأشوفك
بس اطلبك طول بقبري وقوفك
خذ روحي الولهى تحن وتحوفك
