محمد خشين
صوت ام البنبن اتعنه للكرار *** اتبشره بمولد العباس لمّن هل
وجه شايل ملامح أنبياء الله *** من آدم لحّد خاتمهم المرسل
بجربه من انولد ماحطّته بكاروك *** دك صدره لاخوه وي النفس الاول
الربه بجوفو حيدر اسمه ذو الفقّار *** جسر للدين صار وسيفك الكمّل
سيف البيدك ايسمونه ذو العباس *** جفن الاسلام بي بالعاشر اتكحل
شسولف والعطش بالطف يبّجي الماي *** اسمحلي العقيله اذكرهه بالمقتل
السمه بخدمتهه لن تعرفهه كلش زين *** لوّن رادتهه تمطر عنهه ماتبخل
زينب لو دعت جا مطرت العباس *** وتخّلي الدنيه بالعباس تتبلل
كضت ليلة العاشر بالبجي يكولون *** حاشه اخت الحسّين اعله الفرض تغفل
زينب مابجت صلّت صلاة الليل *** بليل حسين راسه اعله الرمح رتّل
هيبة بت علي صوفّرت وجه الشام *** قصرهم من اجت ضل منهه يتختل
كلب زينب كلب يستوعب القرآن *** للطف بي صبر للعاشر امفصل
صبر عد زينب بكد حبهه للعباس *** لحّد يوم الله هذا او واكفه اعله التل
واذا عن الخيم والنار والدخان *** ماصدّك حجي الينكال واتقبل
الخيم جانت عباية زينب الحوراء *** تكل للنار بردن ماي تتحول
