اياد الاسدي
الضوه قل
ولمضت سيوف أزدحام
حلوگ تگلگ…ماركد بيه
الكلام..
وكلهه سنطه
واليبلع بريجه يموت
والنده الي يطيح
تسمع منه صوت
چي لآن عباس واكف
وكلشي يوكف..
ومن يمرالهوه يوگفله
احترام…
بين جربه وشفة أطفال الحسين
النده اليوگع سهام..
السيوف المبرد يمش بجفنهه
وليل مايقبل ينام..
كلشي مگلوبي أشوفن
ناس تشتم بالحسين
وليزيد أتصيح امام
شفت كلشي…؟
شفت حتى الماي نار
نار يطفه بخيام…!!!
السمه صفنه يستحي يمرهه
الحمام…؟
گصته تعرگ مستحه
يعاين رقيه…؟
الترسم سوالف عطشهه
هذي ريحانه حُسين
ضحكه ماتعرف عتاب
ترسم جربه مرچيه اعله باب
ترسم طف زغير اعله التراب
رسمت…؟
الشريعة مگطعه وبلا جروف
رسمت ….
الجربة جريحه
بشفه تنده عالچفوف
صاحت العباس وينك
گوم شاگف …
گامت تنهش بجلدي السيوف
الموت كبر..؟
القبلة وجهه اعله خوف
والرماح اتصيح حي اعله الحسين
وللهدد تسرفنت ردن السيوف
وخل نشوف..؟
الحســـــــــين..؟
يابوفاضل
الماي حگنه ومن تگصده مايضيع
يابو فاضل سكنه ذبلهه العطش
وبشاربك صاح الرضيع
وخل نشوف…!
اعيون تگطر مخازر وكاحه
والشمس شردت بعيد
خافت أمن حسين لمن يستغيث
وماتجيه .
وتنصلب صلب المسيح
خافت ويه أول گطره من عينه
تطيح…؟
والگمر شايل نجوم بجربته
وعفيه دنيه بشفة اخرس
ماتصيح….؟
