علي آل جعفر
————————-1
شمــــا يكَرب محرم بيه نار تهيج ..
شكاتب من قصايد ابدي اجمعهه ..
احتقر كل بيت مو عنك كتبته بيوم ..
وكل صـــوره اريد اببالي ارجعهه ..
ماكلتك وصف بس كاتبك عبرات ..
وابيات الــــشعر دمعات اطلعهه ..
ولو ياسيــــدي الأعمال بالنيات ..
راجعت الترافه وشفت مرجعهه ..
لكيتك بالورد واحلام فراشات ..
ماسامع روايه بورده كاطعهه ..
اذاً ياسيدي ماغلط كلمـــن كال ..
الامل والعاطفه هم انتَ منبعهه ..
(يمكن لان حاجي هواي بيك اليوم)
يمكن لان ماكاتب عليك تــــــصير ..
من اقراهه هيجي الناس تسمعهه ..
خيالي يزخ شعر بس كلي تبدي منين ؟؟
دخيلك سيــــــدي بس ردت مطلعهه .
——————-2
مخسوف الكمر وجفوفه مكطوعات !!
عذرا سيدي مو صلف واكتب هاي ..
ردت اكتب عطش والقلم ظل مغتاض ..
يرفض هالفكر ماقبل يبدي وياي !!
ابو فاضل واطره بجربه وبجفين !!
هذا المايرد من يكصده كضاي ..
الدك صدره بوكت مابي صدر ينهاب ..
عن دينه يحامي الخوته وفاي ..
خافوا من كمر غطه الشمس بجفوف ..
لبدوا بالخيم ظنهم يعارك جاي !!
ماينشاف واحد حكهم يخافون ..
ابن كرار هذا ينحسب بهواي ..
للتاريخ صارت حكمه عطشانين ..
لو رايد يجيبه مو قضيه الماي ..
