منوتشرف بالاخر علي لورمضان
توقيت الشهاده بهَ الشهر عبره
حيدر زاد قدره بموتة برمضان
لورمضان هوه زاد من قدره
نسمع بالسنة مر بشهر رمضان
وحيدر كل فريضه المئذنة تذكره
وتره رمضان بي ليلة قدر لا غير
وعلي بيه الحسن وحسين والزهره
مامر يوم حيدر ماذكر مسكين
وشهر رمضان يخلص ياله نفطره
وجائز ان تسافر في شهر رمضان
وايام السفر عوضهن باخره
وعبر لو مريض وصومهن بعدين
بس حيدر جذب ما تكدر تعبره
وماصدك قصيرالقامه يامولاي
ما اكدر ابد استوعب الحاله
جذب حيدر كصير وهاكم البرهان
من فوك الفرس يشمر الخياله
جائز حيدره بطول الرسول يكون
لان بات بمكانه بيوم ترحاله
وبفراش الجبل ميصير تل يبات
لازم جبل مثله ونفس تفصاله
مقصوده سوالف هاي جذابين
الكصر وحشه لوله تدناله
بحزامه الفقار يكلي جان كصير
معقوله الفقار يخط وره ذياله
وبما أنك علي ومخلوق من النور
اذن طولك اشعاع الضوه بهَ الحاله
ويشهد لك نعم خيبر يبو الحسنين
ضخم جان وجبير وبالوصف هاله
ولزم عروة الباب شلون فسر هاي
لاتفسر شلون انشلعت اقفاله
علي طولك شمس وعيونهم حفاي
شافك من بعيد كصير حسباله
احفر قبر مرحب وابن ود وشوف
تعرف حيدر طويل شلون بفعاله
عمود سيف ينزل جان فوك روس
مايضرب الكصه الهامه منواله
باوع على الضريح وكول جان كصير
اذا كل هَ الضريح وكوه كفاله
اقنعني بقمر هاشم ليش جان طويل
علي يخلف ولد يطلع شبه خاله
علي طوله السمه وضعاف طول الكون
ونجوم السمه مجلبات بذياله
