تريد انساك ؟ چا عاوني انساك
بشرط كون انته تظمن انسه طاريك
حلفت ما احجي بيك گبال هلناس
گمت چي چذبوني وحلفت بيك
أراويك الفرح رغم انه بالضيم
وانته الفرحه وتگلي شراويك
كروه لگلبي ادزك جوه بالروح
وأگلك گلي تعبانه كراويك
بدي الماي اعدمه اليلمس شفاك
وبدي لساني اگطعه چي يحاچيك
الهوه لو مر عليه اتعارك ويا
وانته بصفي خاطر لا يمر بيك
اخاف عليك حته من الهوه الهاب
وأخافن حته من ايدك عله ايديك
وأغار عليك من الغيره لتغار
وتغار الغيره مني الغارت عليك
زعلني وأگلك انه غلطان وأحب زعلك لأن چي بيه اراضيك
ولأن انته قوي وتفرح من تفوز
لذلك انه احبنه رهانك
لسان الغير اگطعه لو غلط يوم
وأذا تغلط اگلك صح لسانك
بست فد مره كرسي وضحكت الناس
تخبلوا من دروا هذا مكانك
شلون انساك ونته انه يمحبوب
وأذا انساك معناهه انسه انه
گلت ماروح يمك خاطر انساك
شفت يمك تعنه وهوه اجانه
شفت انه مكانك درت هلعين
حچه وگلي تعال انه مكانه
عبرت گلنه نغمك بلكت تروح
شو غمتنه صارت امدانه
