أرد أجيكم ..
يمكن الگى الشوگ ذاك اللي عرفته ؟!
أرد أجيكم ..
يمكن الگى الوفا ذاك اللي زرعته ؟!
أرد أجيكم ..
يمكن الگاكم بعدكم
ما تضيعون الهوا والوفا والحب
أرد أجيكم
عازت أيامي فرح وتريدكم
وهاكثر گـلبي يلح ويريدكم
وأعتب عليه وأگول له الليل عده
وما أظن تلگـاهم بذيج الموّدة
يگـلي روح ..
ولو رحت يا گـلبي هم تنفع الروحة ؟
يگـلي روح ..
الطير من يبعد يزيد الهجر نوحه
أرد أجيكم
أرد اجيكم
بعده فوگـ الخد يلالي الگـمر لولا ؟
بعده مبسم ورد ثغر السمره لو لا ؟
بعده ملگـاكم نهار يزيل هم الليل عني
بعده لو لا؟
مرتين الشوگ خلاني أمر ملهوف ملهوف
ومرتين الدار خلتني أحس بالغربة والخوف
ردت اشوف أشصار واللي جرا عدكم
ويمكن ألگـاكم بعدكم على ودكم
شفت عشر وجوه غربة
وهاكثر عيني تمنت كون ماشوف
وسفة يرخص حبي عدكم
وسفة يذبل وردي عدكم
وسفة تتبدل الدنيا
تصير ونسة ولعب عدكم !
وهاكثر عيني تمنت كون ماشوف