خايف.. وخايف، تلاكينه بظلام ورعد
والكاع شوج ونكر، والريح وحشه وبرد
ومتخالفين النوايا، اشراح أسألك، شرد؟
ظل الحجي اعله الدرب، لملم الخوف أبساع
وعلك مجان الفوانيس منه حنظل وصبير
لاهو ثمر لليجوع ، ولامجن للطير
وسفه انته ، وانه ، النذرنه ارواحنه للغير
نجمة وكمر بالسمه وحرمت علينه الكاع
بطلت منك، خلص، ظل وحدك الخايف
ومن ياذنب هاكثر متجنب وزالف؟
اتحبني؟
ولك ياكلب بيهم الماشايف؟
يشرون جذب بجذب.. والصدك منهم ضاع
أخاف؟ من من؟
طويل العمر تالي مات
شبيت أقره شعر بمراشك الجيلات
اتعلمني هسه؟
أظن وكت المواعظ فات
روح بسلام ، استقر
سرك فلا ينذاع
ثقافة شعبية
