(واهس البيبان)
 ردت أعدك .. يالماردت بالشوگ تنعد
 يگطرة مشتهاي أويالنفس تصعد
 يشمس العافية البالروح… يهمسة دافية لحيل البرد وأزود
… فل نبض الگلب … فله لواهسك يحچيلك ….عدن ميدان فوگ الروح…
 هاي آثارهن خيلك…… هلاهل چنت أزفلك  … فرح بدموعي تحديلك .
..گصبة ناي تبچيلك… زحمة دروب توميلك …
هايم ودمي أيفور … وأعد خطواتي وأهديلك…
يابختي ابشباب العين …عشك مبخوت ضي عينك … 
هاك إدموعي …هاك إدموعي… إخذها ولم شواطيها
 إعله خدي أمواج تدريها… حدر الزلف مر بيها…
 ولو غمض دربنه ومابعد نوفيلك… عسن اجروحنه الدهر…
وهاي أنيابه  ترثيلك… تذكر من دفه إشليلك…. وك ..تذكر من دفه اشليلك..
 غطيتك حلم شبعان… حلم متروس من حيلك..
 تذكر يانده البستان … چم ورده إبعطرها إتحز..
 تذكر يانده العطشان … وي نجمة صبحنه إنفز..
 وناطور الورد صياد … على هامش سوالفنه إشراد…
 مدري إشراد … مدري إشراد … وإحنه ابعتبة الميعاد..
 غطينه السوالف والشوف …لمينه الضحك والخوف…
وجفوف العوافي اتطوف
… .يليل الليل.. يليل الليل..يخجل يلعب النفنوف..
 يليل الليل..ظلمة وظفرناك ازلوف…
آه … ياليل….دخيلك.. ردلي لواهس البيبان واشفافي….
                           رد بينه العبنه الچان متعافي…
 يهه.. يزغيّر إسعيدي…أناغي وصورتك بيدي ..
مصدور ويخفگ إوريدي.. وأمك ولا مره استحت…وآنه اختنگ تنهيدي.
. وظليت إبجرح مصلوب… أشمن خبر عطابك…
 يلهب بي طاري الشوگ …لو مريت يم بابك..