آنه من شفتك شفت جرح العراق
يشيل جرحه .. وبيه تشب احزانه
انت ليل وحزن واشواگ وعذاب
عراق تبقه… وتلتهب نيرانه
يا عراق اشبيك ضيعت الدروب
جرح ينزف… ما تعب دفانه
انته ليل وحزن وآلام ودموع
شفه وبلحظة عطش حلمانه
آنه من شفتك تراتيل او دموع
وعين من كثر البچي ذبلانه
لملميت اجروح في گلبي او جيت
هاك روحي اللي بقت حيرانه
انته من قال وبلا تسح بالهموم
يا عراق الگطعوا ذرعانه
انته ناي او دمعه وآلام وهموم
سنين عمرك هلگضت تعبانة
تظل انته عراگي الما عفته يوم
وعيني ظلت بالحرب سهرانة..
شايل الرشاش اجيتك يا عراق
شنهي داعش.. كومة اقزام
بحقد سعرانة
نترس البيده بجثثهم هالغواة
زمر تكفير وحقد خيبانة
ثقافة شعبية
