تحسين العكيلي
لاتسميها منصه وهيه تاج
هاي منبر غيره لاعلام الفقر
جانت بوكت التدنكَـ عدنه روس
هيه ترفع راسها وتمطر شعر
يامنصه الشالت بنصها علي
وتحت فيها تناطر الآف البشر
ضلت بعازة زلم عكَب الامام
الما وصل خـيال يمها ولاكَدر
ظلت اعله ترابها وريحة الموت
مو منصه اخلاف حيدر جن كَبر
انشكَت اجفان المنايه اعله التراب
وداسو اعله الموت بس ال الصدر
ارد اكَعد كل حجي بأذن الظلام
واكَلب لساني اعله ظلمتهم ظهر
ياعقول الضايعه بدنيه السراب
ياكَلوب الثلجت وسط الجمر
مو نفسهم كَالو الكعبه سواد
واقبح من افعالهم جان العذر
رادو يطفون نورك يا امام
لان شكَـ احقادهم طراها طر
صاغو اعليه الذهب ماضيعوه
شما يصيغون وعلي يزيد الفطر
ال شريفه تظل شريفه بلا حجاب
ولـو شفتها مـعرينه رب الستر
ماخذات اطباع زينب بل اخلاق
يذلن الطاغي مثل ذلة الشمر
هاي وجهات التقارب بل ثنين
بين تاج وكـعبه نزفن بل صبر
باجر الكعبه تـنادي وبل دليل
تصرخ اعله التاج هذا المنتظر
