اجلبنك يليلي اثنعش ساعة اوكوف 

ذكرت ولف النساني الباك مني الشوف 

نخيت النام بارض الطف بلاية اجفوف 

يهود الكلب ويطيب اصاويبه 

***

اجلبنك يليلي ومامش ابهالليل 

بس ظيم  اوسهر وخلاني  اصيح الويل

ذوبني العشك مابيه ظل كل حيل 

ولعب بيه لعب  فرني بدواليبه 

***

اجلبنك يليلي والكلب مجروح 

يون عالراح هاونة حمام الدوح 

اظل جم دوب اكضي هالعمر بالنوح 

وبظي موسكم عايش انه بريبه 

***

اجلبنك يليلي ومسهر ابلا راي 

صار اسنين بلوه مبتلي ابلواي 

من دون الخلك ضايع عليه ادواي 

اوعليه هموم دهري اتصب مرازيبه 

***

اجلبنك يليلي والدليل انطر 

من سهم الهجر الركزه الاسمر 

جاوينه اليطيبه والذي ينغر 

وينسيني الهوه اوانسه تجاليبه