لا ترجع بعد اوروح الله وياك
توهه جروحي هادت لاتكعدهن
تعناك الكلب حزنان بيه الشوك
ودموعي شبكنك ليش تطردهن ؟
تاه الراي بيك وبالعمه انصابيت
وعاشرتك سراب وعفت واحتهن
صار الحزن ثوبي والدمع سلواي
وعيون الشماتة رماح نظرتهن
انتظرك زرع ومراشنه فلاح
تاليهه تكلي ماي ما الهن
شسوي للزمان الاخذ مني الزين
وخلاني اشوف البومة خشفتهن
ما ظل بالحدايق ورد نشتم بيها
بس ريحة فراك وناي ساكمهن
انه كلبي جبير وبالوفة معروف
مثل موكد مضيف دلالي حاضنهن
كل عمري قصيدة وعاشك الصفنات
ودموعي قوافي بفشلة حاسبهن
وك نومي خفيف احلامي مستحيات
اخاف من الذيابة بغفلة تغدرهن
انه عمري كضيته صواب فوك صواب
وجروحي قديمة شيبي ساترهن
انه هدومي عتيكة وادري موزينات
بس عندي كلب بردان لابسهن
انه بكلبي مدارس خرجت عشاك
وفراكك كتلني وذبح خاطرهن
