من توگع نگع وياك 

من توگف نگف وياك

تستاهل نضحيلك شكو 

برواحنه  الماتت

طلگن كل ليالي البيك 

مدري احزانك أشجابت

جبير اسمك 

عظيم اسمك

شلتها اجروحنه وجرحك بقى يندي

مشيت اويانه بالحلوات بالمرات

وگفنه وانت متعدي

شحلات الهور والمشحوف والبردي

شحلات

الليل والناعور يترس ماي ويبدي

مشينه وغربانه الجوع

تهنه بديرة الغربة

والمسافر صدگ لو راح 

ماصدگ يحب دربه

ويعت بينه الحنين اعليك وكت غروب

ويچوينه الدمع والريح من كل صوب

ترى الماله رفاگه اهناك  تخلص ليله بذلة

لون تصرخ جذب فزاع يوصل جرحك ايشله

تعال اهنانه شيكاغو وعلي من توصل الحله

تعال واقره هالتاريح منو بهاي الأرض صله

أهد وافزع واگف ساتر 

أجيبن للوطن حگه 

يجينه الموت ونهلي 

هلا بالموت طب اتفضل

استنگه

أخذ وين الحنين الزين وين الحامض السماگ

بعد عدنه خلگ نسهر ليالي 

شهور حتى ولاشبر تنباگ

يچيبن كلهن فديوم

يطلگن كلهن فديوم

يصير من المهد تفاگ

ويبوس اترابك ويهواك

ومن توگع يگع وياك

ومن توگف يگف وياك