تريد اتروح؟
الله اوياك
وخذ كلشي التريده اوياك
اخذ اسمك
اخذ رسمك
وخذ وهمك
وخذ جرحك
ماكلك ابد لتروح
ولااترجاك
الله اوياك
وبراحتك
لاتتاخر –روح ابساع
عندك موعد والساعة العندك امقصرة
غير ساعتك
ماكلك –ليش ؟–
ومااسالك شنهي الاسباب
باب انسد ابوجهي ابظلمة
ماعاود دكتي للباب
صفينه اغراب
نعم اغراب
اغراب صرنه وداعتك
وخاف ايخون وكتك بيك
اهلا بيك
وماراح اسال —شنهو ؟ اشبيك؟
ولا اتشمت لو بالنازل وصلت حالتك
هم ابراحتي
يالخليتك تبقه ابراحتك
