عليه اوحرمت عيني وسنهه
زماني جرد اسيوفه وسنهه
وحك اللي فرض خمسة وسنهه
بعد هيهات عيش ايصير اليه
ولا صحلك صديج ارشدك ودلاك
ابجليب اظلم تذب ارشاك ودلاك
ولا كلمن توده صار ودلاك
ابكلبه ولا صفتله اوياك نيه
عليك وهملت اعيوني وساليت
يهاشم ناشد العالم وساليت
حسب ظنك نسيت انه وساليت
وراسك بالوسن تطري عليه
المصايب نحلتلي الحيل واراك
وحك من خالج النيران واراك
بعد يوم الحشر وحساب وراك
والاعظم سنسله ام سبعين اذيه
حادي البل سمع وني وردهم
جفوني اللي يحب كلبي وردهم
صار العرب يمعيجل وردهم
من دمعي اليكت فوك الوطيه
اظن هاوي عذاب الروح وداك
ياهو المرسلك للبيض وداك
ماينبت يحجي سعود وداك
معاهن تنغلب وتعم عليه
ثبت يسعود وي البيض ودنه
وحك اللي كرب كوسين وادنه
ان متت مغرم ابحضن البيض ودنه
تفوز وتحسب الجنة الهوية
يخي منهاب مدفعهن وكلهن
هواهن حمس اجلا نه وكلهن
ماتكدر تبارحهن وكلهن
لبو معيشي اعتنن جيمن عزيه
الغيري استاد خف الجدم وناس
ماساعه كعد وياي وناس
مثل اللي حطبهه احجار وناس
هيجي النه كلب ناره سرية
عنهن عيب اروح ابعيد ويلاي
ولو كلبي بهواهن نار ويلاي
يصالح لو لفاني الموت ويلاي
انت والبيض دك ولطم عليه
ولا مزنه اشبهت دمعي ولا راي
ابد ماتم فكر عندي ولاراي
فديت العين والجبده ولاراي
هيجي انه العلي واجب عليه
امحير جني البومه ولحدي
اصبحت لا اسوكن ابزملي ولحدي
يعل متوسد بكبري ولحدي
اشوه ولا يمر شامت عليه
مثل مكر النسه على الرجل يدهن
المصايب لولفن للحيد يدهن
وحك الزاجيات وشرف يدهن
يذلن كل شخص بيه الحميه
ابنار وحمسيت اجلاي صليت
اشمالك يازماني علي صليت
مثل ما صلت ام عمران صليت
فنكحني الهوه وذبني بنويه
وشفت اجعود فوك المتن منساف
ابخدر واصعد عليها ساف منساف
لها يمه محمد عين منساف
ولها لحظ يوسدني المنية
