بوسه اطيني كتلك ماكفرت شصار
كلت لامك علي وكبت الهوسة
حلكك بي اشكال اطينه خدك عاد
وجنك ماشفتني وماخذ البوسة
………………
اوكف مرة يمي وشوف انه شلون
من توكف اكبالي وتبتسم مرة
موبس ابتسم اضحك ضحك مجنون
واخذلي عليك اربعطعش فرة
فرة ظلمة ابنص ليل فريت
عليك وفورة التيزاب فريت
حكك مادريت شلون فريت
الجهات الاربعة اتكلك عليه
مااكلك حلو ومن يوسف احله اهواي
خايف من اكلك تنحسب كفره
بس انت حلو وموبس حلو المفروض
نبني بكل قصيدة لخاطرك حضره
ولان طلاب كلنه وانت سيد فلان
كون بكل خميس نروحلك سفرة
خايب خبلتني شظال بيه وشوف
موصفره اواصدكك لوكلت صفره
كافي لخاطر الله وسايم الله اعليك
ليش انت اليحبك لازم اتكفره
حته الخلفك ماكدر يحجي اوياك
حط مره اعله روحه وجابهه بدفره
واحد جابتك امك وحالت بيك
وظل صافن عليك العالم اباسره
غيرك شال سيف وماذبحله اثنين
وانت بلايه سيف وتذبح العشره
وصار شكدعليك انشد واكولن وين
ووين تجيب وين وبالكلب حسرة
لاميت واكولن مات حته انساه
ولاغايب وكول يعود وانتظره
وينك موخلص ثلثين عمري اعليك
بس انخه الحسين وشابك الحضرة
شايف من تجي ولو بيك اسمع جاي
اول ماتجيني افترلك البصرة
ولتكلي انتظر راس الشهر وتعود
ياراس البقه وماشاب من شهره
ميت وبنعش بيه انت مامريت
يمته اتمر عليه بفرحة الزهره
