اذا متعوب وتصادف بشر متعوب
كله الملكه وين يصير من خل انتوب
النجمة الطلعت امن الليل وكفهه اعله باب اغروب
الكمر جه يطخ وجه الماي يوصل للصبح ويذوب
البجي كله ضحك من يوصل الـ يعقوب
النده مكتوب الترافة من السمه  للكاع
الهوه موت وحياة اشراع
الصبح مابي وفة اويه الناس يخلص الليل نايم واليحب سهران
الشمس جذابة اذا تلكه بشر بردان
الزعل كتال لبن ادم اذا من صدك جان انسان
الدمع لو طاح رزق اردان
السجن لو ماكو بي مسجون تلكا ساجن السجان
الحرك بـ النار بس شكثر بارد يطلع الخان
الماي ادوسه بـ الرجلين بس يدوس راسك لو جنت غركان
الصور بـ الفركه بيش تفيد اذا جانن بجف عميان
كل ذني وبعد اكثر
الجذب ابـ اول صدك يعثر
اليكلك اني خوش انسان كله يلوكلك الخنجر
واليعرف روحه خوش انسان بس ميكول تلكا يحلم بـ كبره
الشمع جذاب يحرك روحه مو للشوف حته ينافس الكمره
السيف البـالغمد مضموم ذمته بركبة الفارس
التدري ينام وكت اغروب عليك الليل يزعل لو كلت حارس
غمض لو شفت عميان كون تشوفهم محد
وذا واحد يسألك عالضوه يا لون كله اسود
موت انسان حته تعيش يم الله
حلاة ابن ادم امن يطيح يسمع كلمة اسم الله ….