انه شعاجبني بيك ولسه باقي اهواك
اشو تكتلني.. تدفن.. وانه المكابر
تعزب بـ الجثث خاطر تشبع الكاع
تصيح (موووت) واحنه نصيحلك (حاضر)
شماخذ من وطن يومية يأخذ شاب
اظل اليا وكت بس ساكت وصابر
اشو ميت عليك، وميت من الجوع؟
شوف الجوع بيه شجم اثر حافر
من كثر الجثث طاحت متنها الكاع
متأثر بمحرم ؟..يومك العاشر!!
شلناك بوكت .. بي ازمة مال اجتاف
وكسرت اظهورنه .. ومكسرنه الك خاطر
شضايا بكل كتر عايفها چن شامات
ونذرنالك زلم يل كلشي ماناذر
شلتك بـ الگلب وتشيلني من البيت ؟؟
شمالك يا وطن عالفقره شو گادر
خلصت العمر وياك بس اثنين ..
لو احفر گبر .. لو احفر بـ ساتر .