سلطان اعله روحي من يعلك
ويالعاذل بهمي من يعلك
لا تأمن بدهرك من يعليك
تره بنفخة هوه ترد للوطية.
يدنياي المصايب عَلي جدري
يتكالب ما برد فد يوم جدري
آنه الصرت كالمصيوب جدري
اليراني يشيل ويعوف الثنيه .
ترف يالصورك ربك من العين
أخاف عليك من تمشي من العين
أنه معذور يمدلل من العن
ابوك الخلفك للناس اذية.
يكاد الثوب ينشك من نهدهه
وفرح ماشاف كلبي منهدهه
بي حسرة عليهه من اهدهه
الوادم تحترك وانه سوية.
اتنخه تريد اجيك اليوم بالحال
وانته اعرف حبيب الروح بالحال
شمحلهه وياك ما تقتنع بالحل
ادليك الدرب وترد عليه.
أنه المكسور دومي من لحمني
اشد خيوط ربعي من لحمني
أبي وما كلت روحي من لحم ني
تلحك تستوي وتنطيهه اديه.
