واشتهيتك نسمة عذبة برية مخنوگة لهواك 

ودوريتك وين ماعند الله ريح 

وصدفة جابك درب حظي وخالطيتك 

مدري حظي انا اعتناك 

يانفس غرگان بي شهگة وداع شگد عزيز

ورغم مارايد وداعك بس جزاك 

والعجيبة شلون تاهت ذيچ لعيون لتحبني

ودربي واحد ماله ثاني 

وبيه مكتوبة الأسامي 

هذا انا المات من صدت عيونك 

من شفتهن 

من حچيت وباوعتلي 

وهذا عنواني الأعرفه

 اسمك انته 

وكل بشر يتسمى لازم 

اسمي أول بسمة مرسومة بشفافك 

وانته انته 

وانا ذاك الماعرف يحوي حلاله وفرهدوه بليل أظلم

وساعة الراحت ضحكتك 

 ومنهدها صبحي غايب لونه فاهي 

وكلشي ماريد بغيابك بس أگلك 

نيتي چانت ..

بوسة من عين الأحبها 

وكون أكولن يم إذنهم حلمي ذاك …