انه وأنت .. 

اثنينه وردة بغصن 

انه وانت ..

 ورود تتباهه بشتلة ..

شما يجافيهه الزمن 

انه وانت ..

 لليحب .. نسمة ومزن 

انه وأنت انجوم ..

سافر بيه ليل العاشكين 

ويامحب يندب حبيبه 

وليله طال .. ومن لهيب اشواكنه ..

… شموعه ضون 

انه وانت .. 

على الشماته .. على يلوم ..

سيوف وارماح وحزن 

اشما زعلنه 

اشما اختلفنه 

يطك حبنه نبع صافي من جديد 

وننسه ذنيج المضن 

انه وانت 

كلب واحد 

زند واحد 

سيف واحد 

نصير لايام المحن 

انه وانت ..

ماتغيرنه الشماته لوسوالفهه انحجن 

انه وانت ..

 عيون وحدة ..

وفرد دمعة لوبجن 

انه وانت ..

الماضي والحاضر وأيام اليجن 

انه وانت ..

  جبل شامخ  ماتهزه الريح 

انه وياك .. بيرغ لاتظن ايطيح 

والأيام بينه شماكصن 

والكلوب السود ماتت وبأملهن أيسن 

لان انه آوياك ..!!

جف بجف وفرصة مالكن