مدري ليش أنحسب دمعة وانجفي ابين السواجي…
لاكو نية ﭼــف يدورها ويــمشهه…
ولا رويحتهه علـى الروجة تميل…
عيني تجفل لو ركد لون بنظرها…
وتنتشي بالماكو غَيرة…
وتتنى هلبت طيفك يجور و يعيل…
آنه صوغة حزني…ليل….
لا يناهي شمالني استاحش الليل…
وآنه كل صبح اليجيني ويلفي لابس ثوب ليل…
عمري جـــر سجة عوافي علـ المگابر…
والدموع الما لهه معــرّف… علـ المامش تسيل…
اشــنفعي وآنه بمگبرة مشتوله حنطة..
اشبيدي وانه اعلـــ السـﭼـﭻ مگيودة جنطة…
والاصيلة يجيسهه طاري الصهيل…
يا مهـــد ضوگني طيفي…
يا گــبر لمني اعله كيفي….
عـــاد بس بالموت ادور كيف واغفى بطاري ولفي…
عاد بس بالموت انجاس بجفن مختارة ﭼـــفي…
عاد اكول اهنا يــراخي اجفونك اكعد…
غاد نتجاسم شعدنه ومايكفّي…
وانطرح مسجون حر …ابراي موتي…
منين ما مال الـــــﭼـــفن لوليفي اميل….
