مشه عني أعز ما ملك كلبي بيوم
الي ويا سوالف زعل ضحكة واه
ضيعته مثل ضيعة خيال بليل
اذا يطلع صبح مبخوت لو الكا
طعني وطعنته مو بالعظم بالطين
باصل تكويني ذاك الخنجر الشچا
هتك عذرية الحب البنيته بروح
هجرني وحرك كلبي وهل دمع طفا
طلع حبه سراب شما اكربله يروح
ماخله الجدم كثبان ما شگا
راد ابجيله حد ما حجر عيني تصير
جا ذاك المحيط النزل ما كفا
غصت باعماق عقلي بذكريات هواي
طلعت محقق الما لحك يتمنا
شسوالك يكولون الخلك واغتاض
اسألوني بعشرته وشنو الماسوا
علمته نقاط الضعف وين تصير
وانه كتله الضهر مفتوح بس انخا
الكلب بيدك تكطعه تحركه تلعب بي
وذا ردت بسهوله اصيارهن انسا
ما ضلت أعذار براسي حته اطي
دبرولي عذر حته اكدر اتناسا
المهم مشتاكله بكد القساوة البي
وبكد العذاب وضعف المجافا
بذروه عشكي اله مو بس دموع اطيه
لو كايلي اموتن ما اكولن لا
مصير الشمس ما تلمح الظل بخيط
ضوه وهم يختفي لو قررت تدنا
تذكار البقه المن عنده حفنة اخ
وتوادعني ادين أتخيل من گفا
