السچة هم تاخذ رسايل
راح اذب روحي رسالة
هلبت و لني بطريجك
عثرة و هناك تعرفني
بلكي تقراني رسالة
و احچي ضيمي
بس تجي عينك عليه
نحچي كل شي
و ما نسولف !!!
كون بس نظرات نحچي
و لا تشگگني بطريق
حروفي بس لسمك صغتهن
لا تخلي الغير يقرى
و ينكشف ستر القصايد
و اني اخاف اعلى القصايد
بين كل صدر و عجز كاتب حجاب
و انته كل سطر و سطر كاتب سراب
تريد تغري ابيات مستورة بقصيدة
و لا تصدگ بالسوالف
الناس تقرى اول شطر تكتب الله
و اني كل ما اقرى كلمة
بوجهي تلگه الضحكة
و اصرخ خل اشوفك !!
اصبر اصبر خل نسولف !!
يعني ما ترجع بعد ؟!
انسى كل شي بينّا ؟!
و انسى الوعد ؟!!!!
من رخصتك خل اذكرك
الدنيا مثل النهر صدگ
و النهر مجراه طويل
و هذا ما يوگف ابد
و لا تصدگ بالسوالف
بعد راح انسى العشگ
و بعد ما ارجع احبك
لوعرف گلبي يطگ
ولو كل ما اذكر اسمك
شو احس روحي اختنگ !!
بس تصدگ لون گتلك
روحي ما تسوى بدونك
مفتقد شوفة عيونك
لو اگلك ؟!
لا تصدگ كل شي گلته
صح چنت كلش احبك
هسه حبك خلص وكته
و لمن عيونك جفتني
بروحي عيد شكبره شفته
لچن گلي سوالف الليل تعرفهن ؟!
و تدري بيه من احچي بيهن ؟!
دموعي يندلن دربهن !!
و من تسلهم عيني اشوفك
واگف اباب الحلم
و هلبت تحن
و ترجع ايام
