للحرب يمشي وليدي ما خليته..

عرس الشهادة ادري لجن تحله بنوح

تمصخ ايروح وانه ما ناعيته..

بثنينهن ماهلهلتله ابني وحيد

لا بالنعش لا كبل من زفيته..

المثله كون امه تشك زيج الكاع

مو مثلي خرسه الصوت ما بحيته..

حلكي انه خدي وصارت جفوفي السان

كد ماخرطت اخدود من دفنيته..

من طلع مني احجايتي بطاسة ماي

ياريت عندي السان جا وصيته..

جا كتله يمه الخرسه امه منيموت

لا يعتب اعله الصوت مال ام بيته..

وليتاني ثغبة اتكسبر امتون الشال

نعشه وخذاه للحد مو لمريته..

ظلت بنفسي من التحق لله وياك

من جبته حد مامات ما حاجيته

لما سمع كلمة يمه لو زوره شلون

يعرفني امه العفت كلشي وجيته