اجفوفهم غطست ابصدري
اجفوفهم جمرة وقلم
وروحي طارت فوك اديهم
وكفت الجسمي علم
روحي ماكو ابين اديهم
اكو بس عظم ولحم
وشرطي شرطي ادور اديهم
الجلمة جنكيز ابحجيهم
وانسه سجني
وشوكي يلبسني بغربتي
يتيه حزني
وتحضن ارموشي ضحكتي
وطيفي كد الدنيه يرسم
شوك جاكوجي وبدلتي
تنام اديه ابغير اضافر
حس كلبجه وصونده
ودم عين ينضح
والسوالف ويه راسي
وراسي يحضن بالسوالف
صنطه بالبنكه انتمرجح
طاح جسمي ابحضن جسمي
شكك الجلاد رسمي
محه عيوني محه شفافي
حرك كتبي داس جسمي
وراد بس ما كدر لاسمي
مات جسمي وسكت جسمي
وروحي طارت فوك اديهم
وكفت الجسمي علم
روحي فوك من المناير
نخلة يرضعها القسم
