الصوت لو بي زيج جا شكيته

عله النعش جابوه وما حاجيته..

لتكول ما ثغبتلي مو بيه الصوج

لو ادري هيج الساني جا كصيته..

لو ادري نوحي يصير حسره منيموت

للحرب يمشي وليدي ما خليته..

عرس الشهاده ادري لجن تحله بنوح

تمصخ ايروح وانه ما ناعيته..

بثنينهن ماهلهلتله ابني وحيد

لا بلنعش لا كبل من زفيته..

المثله كون امه تشك زيج الكاع

مو مثلي خرسه الصوت ما بحيته..

حلكي انه خدي وصارت جفوفي السان

كد ماخرطت اخدود من دفنيته..

من طلع مني احجايتي بطاسه ماي

ياريت عندي السان جا وصيته..

جا كتله يمه الخرسه امه منيموت

لا يعتب اعله الصوت مال ام بيته..

وليتاني ثغبه اتكسبر امتون الشال

نعشه وخذاه للحد مو لمريته..

ضلت بنفسي من التحق لله وياك

من جبته حد مامات ما حاجيته

لما سمع كلمة يمه لو زوره شلون

يعرفني امه العفت كلشي وجيته