اخذني بعيد. ..

بهاي الناس ما ينعاش. ..جف يلطم صدر لحسين. ..جف غافي بجيوب يزيد ..

أخذني بعيد. ..

هنا ممنوع ورده تفوح. ..ونه بروحي فراشة تريد. أريد اكطع نزف دمعات. ..تحت ظحكات مضمومه. 

أريد أجمع شكو حجايات. ..مملية ترف وحساس. .

وعلكهن تراجي باب…كل اسماع مظلومه. 

أريد كلاده روحي تبات. ..كل ليلة بضايفة جيد ..

أريد امشي و ويكل ذراع. ..أريد البس هدوء الطيف. .وتنفس حنين الكاع. ..أريد انثرهه روحي متاع. ..للسهران للتعبان. ..للماعنده جف وجاع. ..

اريدن موطن بلا اه. ..ما ينصاح بيه اشاه. ..ولا ينصاح بيه احاه 

ينطي لكل شخص شيريد. ..حته يصير خوش انسان.  يحس كل بيت بيت الله 

يرفع بالكنيسة آذان. ..

بالجامع يدك أجراس. ..يدعي لجارة لو صلى. ..

لأن الدين أصله إحساس. ..

الصليب وكل هلال حجار. ..

بس عيسى و محمد ناس