هي قصة مش تقيلة
ذكره ليا كتير جميلة
خدني شوقي بجد وقت
ما احنا كنا احلي عيله
**
عند باب البيت جريت
شوفت رسم قديم بالحيط
هي رسمة رسمها ابويا
لما جدي حج البيت
حنيني خدني وعيني فرحت
لما بالايام دي سرحت
جوه قلبي قصة فتحت
غصب عني كتير باكيت
**
انت روحت فين يابويا
سبت امي ولسه اخويا
بين أيديها باقي طفل
وايه يعوض ضفر ابويا
كنت ليا أمان وسندي
كنت أغلى حاجة عندي
اسمك انت باسم ولادي
نسخة من شكلك يابويا
فين زمان لمت عيلتنا
اللي كانت جوا بيتنا
كنت يا ابا انت ظل
وانت كنت صحيح قيمتنا
ولا كنت مرة قاسي
حتي للواجب ما ناسي
ياللي كنت أعز ناسي
يوم ما روحت الناس نسيتنا
جدي راح بعدك وفات
منه ساب الذكريات
صورة ليكو وكم حاجات
تبقى بتصبر حياتنا
هي دي سنة حياة
مهما نفرح تبقى اه
عاللي بيروح مابنلقاه
يبقي مالك ذكرياتنا
