حذام يوسف طاهر
اثبت لا يخوفك مايخوف الناس
ازرع بالوطن مليون شتلة ياس
خلي يثبت ويصنع للوطن نبراس
اكل من التمر خلي رفيق ايدك
عوف النستلة يا شعب متفيدك
بالتحرير يهدر صوت للاحرار
يعلن للوطن حب الارض والدار
يتمنه يصوغ من الگلب أشعار
حافظ عالنخل والثمر تحت ايدك
عوف النستلة يا شعب متفيدك
باسم الدين باكونه الحراميه
كل واحد خمط منك ألف مية
ويحجيلك على الخانوا الحرية
بسلال التمر بيّن عزوبيتك
عوف النستلة يا شعب متفيدك
قسمنه بالله ثم بالوطن والناس
تظل اجسادنه لأجل الوطن حراس
نصنع من وهج حب الوطن اجراس
تغني للحقل تزرع ورد بيدك
عوف النستلة يا شعب متفيدك
