ضاعت الضحكة لمن درب الغرب مرهه
حنة اعله جف الارض جدمي من اناطرهه
مو هيه لمن تمر افرح لون عالضهر عبرن خناجرهه
من وكع ذاك النده صخرتهه احطهه وكم ورداتي اوخرهه
وجدمي بدربهه حضه وحذوه اعله
جدمي الحفر اشلون اعبرهه
اي والرسايل عدو بس عله سيوف العمه ذبت مناحرهه
جا ليش ما تنقري ذيج الرسالة وانه بكذلتهه ضافرهه
وعد جدم شوفي حفر والظلمة بس من تجي يحضر مسامرهه
شو من بدينه العشك ايام كامت تجي مو ماله اعاصرهه
ومفتاح دهري ركض بس عله سنين العمه البعيوني قافلهه
والحض خذلني وكمت وانه اعله ظهر الفرس يسحكني حافرهه
ولو باليالي فتت واطلعت بس منجرح انه المقشمرهه
حته الحلم مو حلم من سافرت وي هلي ومن ردنه نهجرهه
تشرد الروجه صفشت واشراعنه يمرهه
وتالي تذبنه بدرب من كثر طول الارض ما نعرف ازغرهه
وبالخطوه ننسه الجدم واحنه ابتعدنه نحس والخطوة باخرهه
وكد ما يصب الدمع ارواحنه اتبللت وللروح ماكو حبل وارواحنه نشرهه
وكيعانه العاندت متخضر ومو بذر اشجار ننثرهه
وكامت اتخلي يمر ابلا جدم كل جدم يعبر كناطرهه
وخلتنه من الحقد ركبتنه من تلتف بحبالنه نجرهه
والروس صارت بحر والشيب كد ما كلف ابلا بلم طرهه
