الشاعر / ستار الزلزلي
الما ينوش العنب لا حامض يگول
وعينه صلفه وعالعنب مشبوحة
الگيش ذاااك الگيش والماي الغميج
يعرفه من ايفوج بس سابوحه
سما الوادم وانت يا دوبك غبار
وريح عجّك ما عمه المفتوحة
البردي ما ينقاس وي الخيزران
وحتى لو ينقاس يدري بروحه
صير بت بيت وتغطه بمستحاك
ولا تكشفك السن المفضوحة
سوح خيل الوكت والكدّش تطيح
لا تغير ولا تطب ابسوحه
ليش اذكرك وانت حد ذكرك بعيد
من مصخ زادك احطله ملوحة
انت يا دوبك هرش تحت الشتال
وزيف حچيك ما يصير اطروحة
للأبد ثاري يضل عرج الخبيث
شما تگشّر هي ذيچ الفوحة…
