شجاك ومقتنع ماناشف الماي
وتشوف مكسره أظهور الكناطر
كتلك بالذبح موشرطه سجين
الخريف يمر ورك يترك مجازر
ولا تكسر غصن كدام عصفور
تره العصفور هم يملك مشاعر
ولامقياس بالك تأخذ الطول
الطعن بسيوف نفس البخناجر
و تبني المن حلم يلتغفه عالنار
تره بهبت هوه أحلامك تسافر
أمشي والبدرب لاترجع أطيح
المشط من يرجع تعثره الظفاير
السراب شكبر حجمه وميت أحساس
وشوف أحساسهاشكبره الاضافر
وحط لسمك أثر خل ينصع اللون
البياض يموت بصدور الدفاتر
أمنت الضوه وكحلت العيون
منو يكول الشمس تلكاه باجر
أنصحك بالوهم لتأمل الروح
ميزهم عدل لمن تعاشر
وليغرك علوها وحسنّ الاوصاف
الأصيلة تبين بلكد الحوافر
عوف الضوه يفوت لبيتك الطين
عالرازونة ماتحله الستاير
