الدنيه رحه ولمة الوادم گطبها
والشمس أجمل احديثة
اوغير عشگ الناس ماواحد خطبها
شنهي معناة الحياة ابغير حب
شنهي نفع الگشرة لو سلًبو لبها
النخله صفصافه اتحول.. من يزاعلهه كربها
صير يبنادم حمامة او لو شفت وكتك حمام
بالحمام الدنيه يتعبد دربها
وابتعد من الحرب
والحرب عگرب
سمم الوادم ذنبها
***
اسهر لشان العلى او تعب اسنينك
ياحبيب الروح تتونس اذا شربت تعبها
لاتمل او تجزع امن العاديات
خلي گلبك گلب أم اشگد جبير الأم گلبها
اشرب المر وتعود عالمرار
الگهوة لو ما مرة چا محد شربها
اطباع اهلنه اطباع نخلة
اشما جوت خدها الشمس يلحگ رطبها
