خضّر يافرح واملي الشوارع خير
وازرع بيتنه وكل بيت حصنه بسور
وزّع على زغار المحلة ورد
وانثر على دروب العراق النور
مشتاكين عطشانين الك ياعيد
مر.. وتأخر شويه
وعلى عيون الحبايب دور
برد ياعيد وبجيتك تدفّينه
امشي ويانه للألعاب ودينه
أظن ياعيد هذا الطير ويانه
يسابك للّعب لو نيته يحمينه
تمايل ياشجر وانثرعطور الياس
على كل طفل وعمّر اله سنينه
افرح ياورد .. يا كمر .. يا قداح
وضوّي يا شمع واملي الدرب زينة
بغداد الحبيبة حديثة الحلوات
تسمع للحناجر ترفع ايدينه
تتلگة الهلاهل من محب فرحان
وتدري بالورد يبقى حلو بينه
