مخالب ذيب احس اجفوفهم مرات
يسلمون او احس اجفوفي تبجي اعتاب
يحاجيني الملح يسألني ربعك وين
گتله اسكت ولك طعمك طلع جذاب
احب الراعي بس مانصحه يعزف ناي
اذا يعبر ونينه اتهد علي الذياب
بالف غلطة الشاطر هالمثل معروف
بس غلطة النورس من يثق بغراب
كتبت اعله الغصن لا تطرد اي عصفور
اذا دار الوكت مايرحم الحطاب
سموني نبي بس انه سر ابير
او تهموني بزٌُليخة وماكو شگ اثياب
الماعنده اخو بالديرة مامهيوب
الماعنده ادين اتفشله دگه باب
المشلول بنهر يگضي العمر غرگان
ويذله اصغر جرف لومر هو الله الهاب
الما يندل حسرته ايداوي جرحه شلون
مجبور الجرح يلبس فشلته نگاب
الما مستور لاتتعب تلبسه اهدوم
ستر المگبرة للموته بس اتراب
عشتهن ذن ولكن جرحي يطلب ثار
من كلمن طعني اليوم اريد اسباب
گبل دست اعله روحي وجنت احس بالعيب
اذا ماخلي طعنة بظهري مال احباب
