جاوبني تدري الوكت ..

بوكاته غفلاوي 

موش انت نبعة عشك ؟

والحسن متغاوي !

ليش المعاتب كلف..

 والشوك سكتاوي 

جاوين اودي الحجي ؟؟

واتعاتب ويامن  ؟!

نعم،  لم يجد من يعاتبه وفعلا سرقته المنية (غفلاوي ) بعد ان ساءت صحته اثر تعرضه لازمات، ومن المعاناة الذاتية، لانه مصاب بالتهاب قصبي حاد مزمن وانتفاخ في الرئة يعاني منه سنين طويلة اقعدته حبيس الدار حتى فضل العزلة والصمت في الفترة الأخيرة من حياته، لكونه يصعب علاجه داخل البلاد، ولكن رغم النداءات الإنسانية الا انها بقيت لا من مجيب يستغيث لانقاذه من محنته التي كان فيها، فبقي بلا جدوى وهذا الاهمال سببه  الجهات المسؤولة والمؤسسات الإعلامية والثقافية التي اودت بحياته، فاستقر بلا هوادة بين طيات الثرى في 6 نيسان 2008 وبهذا فقد المشهد الثقافي شاعرا غريدا ومخلصا للوطن والناس والعشاق الذي طالما انشد  لهم احلى قصائده ومشاركاته لهمومهم الخاصة والعامة والتي ازدحمت بها دفاتر العشاق والمحبين والمهرجانات السبعينية، والجلسات الشعرية الخاصة كلها تشهد بذلك. 

طويرة ليل مذبوحة 

يروحي بخنجر السكتة 

ويفيض الشوك لوم ودم 

يعشرين الجزتني..

 من العمر سكته 

مفاتيحج ولامفتاح..

 بيهن عالفرح يرهم 

يعشريني حماده وليل 

مامش كطرة ترويني 

على ياهي انشد يعشريني 

نشف ماي الصدك والكاع جذابة 

يويني السيف بالعشرين دليني 

ارد متحزم بروحي جنح عصفور ..

وتوجه على جروحي ..

واكولن ذاك جتالي يعشريني 

يعد رحيل الشاعر المبدع كامل العامري خسارة كبيرة للثقافة العراقية لا تعوض بعد ان اثرى على مدى ثلاثين عاما المشهد الشعري بالأعمال الشعرية والغنائية الجميلة، فرسمت له علامة بارزة في مسيرته الشعرية التي مازالت راسخة في ذاكرة الناس ومريدي الشعر لانها كتبت بأسلوب رقيق حيث الحب والعشق، منطلقا من أغانٍ شفيفة رائعة (گوم انثر الهيل  ، أفيش بروج الحنيّة ، جاوبني تدري الوكت  ، وغيرها من جميلات الأغاني…).. حتى بقي يرفد الساحة الشعرية بإنتاجه الشعري العذب،  لكون العامري روح عاشق مدنف احب وتعلق كما جاءت في اغنيته على لسان المطرب سعدون جابر بصورتها الرائعة المترفة معبرا عن معاناة وهموم المحبين، ورغم هذا لم يتجاوز قيم الانسان وموضوعه كموضوع يطرح بقوة فاستمع اليه يشرح غرامه وينشد هواه :

افيش .. افيش 

بروج الحنيه  

ياخذني الشوك بطاريه 

وكذلك كتب عن حبه الكبير وتواضعه وهي تدل على احساسه المرهف واحترامه للإنسان المحب كما جاءت على لسان المطرب حسين نعمه :

كوم انثر الهيل 

بسجة وليفك لوخطر 

يتلاله بعيونه السهر 

ومن الجدير بالذكر ان الشاعر الراحل كامل العامري من مواليد الديوانية عام 1944 بدأت محاولاته الشعرية وهو في المرحلة المتوسطة، بعد ان حفظ الكثير من الشعر الجاهلي والاسلامي والحديث وتأثر في الاخير برواده امثال السياب والملائكة والبياتي وكتبه ونشره في الصحف المحلية آنذاك وبالضبط كان هذا في منتصف ستينيات القرن الماضي، ومنذ تلك الحقبة اصبح عضوا في اتحاد الادباء والكتاب ويحمل هوية الاتحاد رقم 147 بتوقيع شاعر العرب الجواهري الكبير.

كتب الشعر العامي الى جانب الفصحى لأنه حسب ما يرى ان الشعر العامي يخاطب معظم جماهير الشعب ولا يقتصر على شريحة معينة لما له من تأثير مباشر على العواطف الشعرية والإنسانية، اصبح اسما لامعا في سماء الثقافة وشاعرا متميزا في مدينته الديوانية التي عاش وترعرع فيها وعاصر كبار شعرائها .

وكامل العامري شاعر مجدّد وملتزم.. طموحه لاحدّ له، شغوف في البحث عن الجديد، يميل إلى الحداثة في قصائده. والبيئة التي احاطت بحياته في شبابه، واطلاعه على الثقافة الماركسية وكتب الشيوعية العلمية كلها أثرت في تفكيره وفي تكوينه الثقافي كثيراً ، وظهر هذا التأثر واضحاً في كتاباته الشعرية كلها وهذا ما ظهر جليا في ديوانه (كلمات على وجوه الريح )الذي طبع في 10 /5 /1970فاستطاع أن يثبت مكانته في هذا المضمار، بعد أن قطع شوطاً كبيراً في ميدانه، بتنوع عطائه في مجالات الأدب بين الفصيح والعامية والأغنية.

نذر نفسه لقضايا شعبه ووطنه ويكاد لا يترك مناسبة الا ويعبر عن التزامه الشديد، اشتهر بقصائده الطريفة وذلك لسعة اطلاعه على ما كتبه المفكرون العظام وطالما ان الشعر هو تعبير ادق عن احاسيس الناس وطبيعة المجتمع وهو المحرك للعواطف بقوة هذا ما تجلى في قصيدته الموسومة  (الى شهيد)  التي كتبها بتاريخ 23 اذار  1970 في اليوم الثاني من استشهاد  الشخصية الشيوعية  الشهيد محمد الخضري ، والذي اغتيل على يد حكومة البعث في 22 / اذار / 1970  اذ جمع فيها الرقة والخيال الخصب والتعبير والتصوير الجميل  يقول فيها :  

(إليك يامن سافرتَ بلا شكوى ..

لقد كنتَ بيننا..

وستبقى حتى نمدّ لك أشرعة النصر..

لتحيا من جديد)   .

…………………………..

بجينه وما بجينه عليك 

ياجلمة بحلك تاريخ

دكت فوك وجنات الزمان بدور

بجينه بدم… سرج مهرة..

كبل ما ياخذ بثاره ويبشر أور

بجينه شنعتذر لو عاتبت بابل..

بجينه شنعتذر لو عاتبت آشور

بجينه…

وما بجينه عليك…

ندريبك عدل والموت ..

بيك الموت.. وانته الموت

فنه الموت يمحمد عليك ايفوت

يالخطيت بجروحك درب ثوار

يالشكيت من هام السمه للكاع سجة نار

يمحمد…

حمامات السجن يتنشدن ظلن

يمحمد..كطايات الشلب حنن

دكلي شنعتذر للماي…

 واطراف السعف والهور لو عتبن

يمحمد بيارغنه وضحايانه..

تمد فوك الحياة جسور

موش احنه شمس

وافكارنه بدرب الكواين والزمان اتنور

موش احنه حلم ريان

ويرفرف على جفون الصبح راية

موش  احنه نبع ..

يطلك على دموع الحزن مايه

موش احنه شتلنه ارواحنه ابهذا الدرب ثاية

ما نبجي على ذاك الفاج ماي الموت

واتعنه الوفه وما ذلن ايامه

ما نبجي على ذاك الفارس الما عثرن اجدامه

ما نبجيك.. هنيالك والف هنيال..

كلمن شال زاد العمر بجفوفه

ما نبجيك هنيالك والف هنيال … كل خيّال 

ما هد الرسن مرة وطفح خوفه

ما نبجيك..لو ندري البواجي تفيد

ما خلينه من ماي الدمع كطرة

ما نبجيك.. لو دمع البواجي يفيد

جا فاض الفرات و(حسن) ردّ عمره

وجا ظلت ازغار كبار..

بلجن يرجع حسين وجمال وعادل وجبار

وجا دجلة بكت تنحب…

ثلث توكات…يوم بيوم

بلجن يرد من تنحب عمر (ستار )

ندريبك خذت صوغة ورحت طارش

تودي اخبارنه الحازم

تودي اخبارنه الصارم

ولكلمن شتل كلبه وطرش كبلك

تودي اخبارنه الكلمن

بهذا الدرب حط رجله

يا نفحة ورد نيسان..

يا شيلة الراس وهيبة الديوان

فهد  يتنطرك يمحمد ويتنطر أخبارك

دكله احنه 

هذوله احنه

بعدنه احنه

ترف راياتنه ونمشي بضوه افكارك

يمحمد دكله احنه 

هذوله احنه

زلم خشنين تدرينه

نرش اجروحنه بماي وملح 

ما يوم ذلينه

نفك ليل الحزن بالدم ..ولا نهتم..

يشامت روح دوّر 

كل تواريخ النضال وشوف أسامينه

يشامت فوگ هامات النجم والغيم تلگينه

يشامت روح وانشد ثورة اكتوبر

وانشد كل كتر بالصين

وانشد صوفيا وبرلين

وانشد سچة الغابات

تلگه بكل شبر منها يشع فوگ العشب دمنه

حبــــــال الصلب تتباهه گَلايد فوگ ركبتنه

يشامت روح وانشــد عالجسر تذكار وثبتنه

هذوله احنه 

بعدنه احنه

خضيري الهور يتغنه بسوالفنه

ومدّ الماي بينه يفيض لو رفت شفايفنه

وحگ بيرغ حزبنه … وهامة الطيبين..

تشهد بينه مــــــن ذاك الوكت لليوم دنيتنه

أبد ما ردت اجدام العزم بينه

ولا خفتت مواگدنه

وهاي الشمس تضوي بنور چلمتنه

بگول وفعل ذوله احنه…

تشبه صفة الفالات صفتنه

يمحمد شوصفك والوصف يكصر

ومهر الصوت يمحمد…

على اشفاف الدهر يعثر

يمحمد شوصف بيك 

وانته على الوصف تكبر

يلعمرك نبع تاريخ

ولد الولد لو مرت يفيض الزود بيك أكثر

يالمديت روحك للفجر معبر

يمحمد بجينه وما بجينه عليك

يا شمعة عرس يالدمك زواكه

يمحمد بجينه بجفن الموادع

وكل احنه على هذه الدرب نتلاكه

يمحمد يريت اردود

لينه تعود

واشمّن كل كتر.. بيه نامن جروحك واشمنك

واشهك حيل … حيل الحيل

ريت انه والف يا ريت.

عيني توجد أجدامك وأتبعنك..