احمد عبادي
حبني شبيك..
انه كلمه يتيمه . شفاف خل اتمرجح بطاريك
تره ابوكت الحساب السيئاته هواي
يحصد نار هم رجليك
بيك هواي موزينات وانه بجنتي مخليك
وشموازيك
تتلگه الهوه المخنوگ وانه عذيبي متلگيك
منهد ما بالچذب لامست چفك ذاك . گمت اتبختر عله الناس
الينسم بنشوة ضوگ من شفاك شيقنعه بعد ياكاس
وانه ادريك
الكل ريه خنگهه سموم شايل نسمة المشخاب
وتدري يخيب
والله يخيب
كلمن عاف بخته وهله بالعاگول وموسد الورده الباب
تره الماخذ نفس بجفاك هم مخنوگ
وحيره ايضوگ
كل طير الأجاه الليل وبذمته رسالة شوگ
وااالفني زهگته مشابگ الحيطان ومسامر الما مملوح
هل بيه بغيابك موسم الطوفان
اخذني الروج ما تلحگ ينخوة نوح
گضيته الليل دليني بكحلتك وين خل اسهر
لاعبني بودادك . بيه كومه ازغار بس تريد تتقشمر
يالهفة ربيبة ماي للعنبر
هيچي العشگ ماينراد لو بستاني ماهو اخضر
شما أترك وجنتك واخذ النضرات اوصل شامتك واعثر
راودني أرد اقد جفاك
واكرص بيك
وخلط ماي وجهي ويه اللمه البشفاك
وكحل شفتي بتفاح
من اترك الجنه
وكافر انه الگيك..حبني شبيك
