موصلي حجي وسائل عليه الناس 

كللهم اريدن اعرف شلونه 

كلوله يكلك زين عال العال 

ابتده ينسه جذب ذوله اليوعدونه 

وكلوله مشدود بكلبه حبل الخوف 

ماكدروا أصحابه بيوم يفلونه 

وكلولة ال بمتنه الجان يشيل ثكال 

هسة يعاني هوه بشيلة متونه 

سامحني اليحب من صدك مايرتاح 

يعيلن بي ترى ظنونه 

وسامحني من اشيعك وانت طيب ذاك 

المحب بالروح هم مرات يدفنونه 

انا شراحيلي لو حاسب لوجهي حساب 

مجان بغيبتك يتخطف بلونه 

شمدريني بكفاي شكم حضن ضميت 

ومنو اليثبتلي شعرك ما يلمسونة 

سامحني من اشك بس انت مو معصوم 

كبلك جم نبي وكدروا يوزونه 

مو كل من بعد يرد يلكه الناس 

نفسهم باقية وكلهم يحبونه 

كلوله الجيفته انجفت بيه احلام 

واحد منهن بوياك يزفونه 

وانا مبين مفارك من حنيني الفاح 

لحد سابع سلف مرات يشمونه 

وشنو حالي من أمر اتمايل اعله الناس 

وشنو حجي البعقلك هسه يحجونه 

المهم عيش بحياتك وانسه واحد جان 

بس يمك تبين لمعة سنونه 

وعيش براحتي ذيج الخذتها وياك 

الطايح هم تجيله ايام يشيلونه