خليني اعاين بيج محتاج ارتاح
رايد عيوني بحضرتج تتكحل
الطفل واليعشك ولف ينقاسون
بنفس القياس بمعنى اريد ادلل
عافتي وجهج اوكع من اديري
وبجدامي دربج منكعد ماينحل
غنيلي من عيني ارد اطيح فيروز
والصبح بيج ارد انا افشل البلبل
بلونه متباهي عمت عين اليل
المفروض من عينج يضل يتكحل
مشتهي كلادة بركبتج انشال
ورايد بخدج بوس كون اجلجل
مدري من اشمج ليش يمرني النعناع
ويفحتلي صدري الجان ذاك معلعل
عطشانلج كد ماي البكصتج ذاك
اتبدي بية وبيج اريد اتبلل
