تعال وخل ترد روحي المشت وياك
الدنيه بلايه شوفك وحشة اكضيهه
مثل سجة بقيت مددة على الكاع
منتضرة القطار وما اجه عليهه
شجرة بلا مطر تترجه من فلاح
يذكر خيرهه ومن كصته يسكيهه
ونته الماتجي يمته ويهزك شوك
عايش وي ذكرياتك شنهو تاليهه
مخلصهه سفر بالصفنة من اشتاك
وصحة بدونك ودمعتي الكيهه
انه ابدونك بلم والمردي مو وياه
بيد الروجة ذلة الممشه تاليهه
انه بيدك صرت لو نته لو ماعيش
ابذمتك انه اموت شلون ترضيهه
ماتمشي السفينة اخلاف اليصعدون
شلهه ابجرف تبقه الحبل ياذيهه
شنو بالك فرغ مابي اثر ذكراي
النخلة شما علت يبقه الجذر بيهه
على ملكه اظل مناطر وماعوف
يدي ابيد غيرك صعبة انه اخليهه
