سلمت بثكل عالعرب من مريت 

واني أشعر سلامي مختلط بي غل

صاحولي الاخو سامع بشي ؟ زعلان ؟

كل احنه بخدمتك حاضرين الكل

كلتلهم بعد لمن كضت ماريد 

أخو وكت النفاهة بالشدد يجفل

شلت حملي بلا ماصيح عونه وياي 

الغير الله ركبتي ماردتها اتذل

ثكيل الحمل صح بس يمكم اتناساه 

واعدل متني كوة حتى لا يهدل

وأمر من بينكم واسمعكم اتكولون 

واضح من مشيته مو ثكل يحمل

وانه حدر العباه ديرة يتم ضميت 

جن ضمة رسالة جايه من الخل