زفوها للماعنده شارب عريس
للمايعرف شرايده بصفنتها
منعوني من شوفتها بس مايدرون
اتشوفني اكثر من وجه مرايتها
المغصوبة عدهه تصير خبرة نجار
تعرف النعش من لون جربايتها
كبع واخذ كالوله ذاك ابن القوط
واتخوصرولي اتخوصر بمشيتها
كالولي عوف اخلاقك افلوسك وين
وامي بتراجيها اشترت حلقتها
يردوني اطلع الذهب من بيت الطين
وشرطوا عليه بيت احله من ركبتها
وجبتلهم وغطيت وجهي من الدين
وكالولي جي بالدين مو زلمتها
ماصارت وزفوها للمو عريس
بصبعها حط اعيوني مو حلقتها
الما تاخذ حبيبهه لو تاخذ شيخ
ليل ونهار تشتم بقسمتها
