معذورين
نبچي ونستحي وننشغ على الماشين
معذورين
بينا شما يمر تموز
ننخه يروح ويمرنا شهر تشرين
معذورين
واحنه عيون صبت كل حزن بغداد
وماندري الشمس تسطر خدود الطين
احنه اول ممات يشيع العدلين
واحنه اول بشر شابع منو وبعدين
معذورين
كتبتنا الليالي شهود عالنجمات
وشهدنا وكلشي ما دارين
يا دم الورد حطنا ضماد جروح
ننسجلك عطر ونگابل السچين
وارسمنا نهر يمشي بسواد الليل
ويموت بنهار بلايه رفت عين
ودينه لحد اخر ضنون الناس
واشعلنا شمع مشيول بالچفين
معذورين
نلتم بالحزن ونعاتب الضحكات
ومابينا شمس تضوي على الصوبين
معذورين
