بعدني اعله الهوه اطّشّر واگول انته
يطعم التين بأول طيحته ولذته
بعدني اويه الوعد وياك ما زليت
المخبل يظل يتّعنّه سالفته
وانه مخبل نفس والهوا يم التراب
المنك يهب ما بطلت شمته
اكع رمشي وغفل يسبگني عالشباچ
واستاحش ضواك المات وي علته
مو بالروح سهمك عاليه وتخطيه
سهمك بل افااا المنك الما جسته
مرات الگمر يزغر لون ردناه
ومو كل عالي گمرة وتضوي سالفته
ومرات ارد اشوهل ميلتي بمگفاك
ومحدب بخت الگاك موش انته
ليش وغرگت شتل الگلب بالتيه
وتسَيّس زرع مدفون مو وكته
صدگ فلَّت العشرة وياك عاد هناك
تتعلم ادّاري الگطع واميّته ..
